生嚿叉燒好過！

首先聲明，我反對人用粗言穢語的，但有時也很同情那些無奈父母的鬱結！

@@@@@@@@

老豆：阿仔, 我想問吓你對罷課同佔領街道嘅睇法。

仔：梗係支持啦！

老豆：咁點解你哋唔去佔維園, 香港公園或者海濱長廊呀, 呢D唔會影響民生嘅地方？

仔：因為香港好多人都係針唔拮到肉就唔知痛。去乜園物園根本就唔會有人理。我地咁做就係要喚醒呢班唔見棺材唔流眼淚嘅人！

老豆：但係我同你阿媽咁辛苦供你讀大學你就罷課, 佔據道路又影響市民生活同生計, 咁會唔會過份咗呢？

仔：老豆, 做人唔可以咁自私, 我哋做緊嘅嘢係為咗全香港人做嘅。 我個人嘅成敗得失唔重要喇, 今年畢唔到業咪讀多一年囉！
仲有果D話被影響嘅市民都係香港人, 今日犧牲少少都嘈生晒就係佢哋自私！
我哋有屋企都唔返要瞓街呀！我地冇犧牲咩！老豆你唔好俾人洗腦呀, 唔支持我哋果D人係收咗錢㗎！

老豆：呀仔, 你真係大個喇。本來有D野老豆唔知點開口同你講, 但頭先你咁大義凜然, 老豆覺得你係明白事理嘅, 咁我就直言啦！
下期學費你就要自己搞掂喇。仲有下個月開始你自己出去搵地方住。

仔：點解呀？就係因為你反對我哋爭取民主, 所以你要經濟封鎖我？

老豆：仔, 你攪錯喇。 我從來都冇反對你哋爭取民主。至於你哋用嘅方法我就唔評論喇。

仔：咁點解你要經濟封鎖我？

老豆：你聽我講完先啦。因為道路俾人佔據, 影響咗公司生意, 老闆話要裁員, 你老豆我就係被裁嘅其中一個。
我同你阿媽計過條數, 為咗要預留筆錢俾你細佬妹讀大學, e+住緊呢間樓租唔起喇, 加上你都咁大個, 係時候自力更生喇。

仔：咁好唔公平喎！細佬妹要讀書我就唔駛呀？細佬妹要住我就唔駛呀？

老豆：我有供你讀大學喎。你又話你個人嘅成敗得失唔重要？

仔：三個都係你嘅仔女, 點解要犧牲我呀？

老豆：丢那星吖！你唔問呢句我都冇咁火！你有書唔讀, 有屋企唔返, 走去霸撚住條路, 影響咗我公司生意。e+我份工被犧牲咗, 我都未撚出聲, 你個仆街仔嘈乜撚野呀？
要犧牲又係你話嘅, 但要犧牲你自己果陣, 你又喺度阿支阿咗！咁你係咪自私呀？你咪又係針唔撚拮到肉唔撚知痛！

仔：老豆………我………

老豆：我…我…我…我乜撚嘢呀？犧牲人哋你就唔計, 犧牲自己你就唔制！你好快撚D同我死去返學呀！仆街仔！
真係「話你戇州驚你嬲」?